Գլխավոր էջ »
2014 »
Օգոստոս »
20 » Ինիեստա. Կարող ենք նվաճել բոլոր գավաթները
12:37 Ինիեստա. Կարող ենք նվաճել բոլոր գավաթները |
Լեոնի հետ խաղից հետո Barca TV-ի եթերում հեռարձակվող El Marcador հաղորդման հյուրն է եղել Բարսելոնայի կիսապաշտպան Անդրես Ինիեստան: "Մրցաշրջանի մեկնարկն այժմ շատ մոտ է և մենք ուրախ ենք, որ ամեն ինչ լավ է դասավորվում Բարսայի համար", - ասել է Բարսայի փոխավագը:
"Այս մինչմրցաշրջանը կարծում եմ` մեծ օգուտ կտա մեզ: Մենք շատ ենք մարզվել և կիրակի կայանալիք խաղում կփորձենք ապացուցել բոլորին, որ լավ մարզավիճակում ենք գտնվում: Մենք ունենք հիանալի կազմ, որը կարող է 1 մրցաշրջանում նվաճել բոլոր հնարավոր գավաթները", - ասել է Ինիեստան:
Չնայած մարզչի փոփոխությանը, Ինիեստան կարծում է, որ թիմի փիլիսոփայությունը մնացել է նույնը. "Յուրաքանչյուր մարզիչ տարբեր է, սակայն նույնն է մեր փիլիսոփայությունը, խաղաոճը: Ամենակարևորն այն է, որ ամեն ինչ ընթանում է սահուն, այսինքն, մենք անում ենք ամեն ինչ մեքենայաբար` առանց մտածելու":
Լեոնի հետ խաղում իրենց փայլուն դրսևորեցին Բարսելոնա Բ-ի 2 ֆուտբոլիստները` Մունիրը և Սանդրոն: Ինիեստան կարծում է, որ այդ ֆուտբոլիստներին մեծ ապագա է սպասվում. "Բարսելոնան կարող է հանգիստ լինեն ապագայի հարցում: Մենք հիանալի երիտասարդներ ունենք, ովքեր մի քանի տարի հետո կդառնան թիմի առաջատարները: Որպես Բարսայի ավագ ես ինքս շատ հաճախ խորհուրդներ եմ տալիս երիտասարդ ֆուտբոլիստներին և դա միանգամայն ընդունելի երևույթ է: Բարսայում միշտ հիանալի մթնոլորտ է տիրում և մենք միայն ուրախությամբ ենք ընդունել և կշարունակենք ընդունել երիտասարդ ֆուտբոլիստներին":
|
Դիտումներ: 401 |
Ավելացրեց: xacho
| - Վարկանիշ -: 0.0/0 |
Մեկնաբանություններն ընդամենը՝: 0 | |
|
|
|