Չնայած վերջերս տարածված տեղեկությունների, թե իբր Լիվերպուլը Սուարեսի համար կպահանջի 100 միլիոն եվրո, Լիվերպուլը պատրաստ է հրաժարվել Լուիս Սուարեսի ծառայություններից պայմանագրում սահմանված հրաժարագնի` 70 միլիոն եվրոյի դիմաց:
Անգլիական ակումբին մոտ կանգնած տարբեր աղբյուրներ հավաստիացնում են, որ Լիվերպուլը ավելի հակված է ընդունել Բարսելոնայի առաջարկը, քանզի ակումբի կկորցնի Սուարեսին, սակայն ձեռք կբերի Ալեքսիս Սանչեզին:
Լիվերպուլը համաձայն է նաև Ալեքսիսի փոխարեն գործարքում ներառել Պեդրոյին, սակայն Լուիս Էնրիկեն արգելել է Պեդրոյի վաճառքը: Բացի այդ էլ, Սանչեզի ներառումով Բարսելոնան հնարավորինս քիչ գումար կծախսի Սուարեսի տրանսֆերի վրա:
Ինչ վերաբերվում է Բարսելոնայի մրցակից Մադրիդի Ռեալին, ապա Ֆլորենտինո Պերեսը կարծես թե հրաժարվել է Լուիս Սուարեսին ձեռք բերելու մտքից:
Հնարավոր գործարքը գնահատվում է 45-50 միլիոն եվրո + Ալեքսիս Սանչեզ:
Տեղեկացնենք նաև, որ բացի Լիվերպուլից, Ալեքսիսի ծառայություններով հետաքրքրված է նաև Արսեն Վենգերի Արսենալը:
